Туган моңнарны яңгыратып, гомер сәхифәләрен барлап…
25.11.2025
Агымдагы елның 28 ноябрендә ил күләмендә танылган галим, күренкле якташыбыз Касыйм Мөхәммәтназыйф улы Йосыпов якташлары белән үзенең шатлык – сөенечләрен бүлешергә кече ватанына кайта. Бердән яңа иҗат җимеше – “Хәтер” китабының дөнья күрүе булса, икенчедән шушы көннәрдә аксакалыбызга 90 яшь тулды.
Хөрмәтле райондашлар! Сезне Касыйм Мөхәммәтназыйф улының юбилей кичәсендә һәм аның инициативасы белән менә инде дүртенче тапкыр үткәрелгән Төбәкара татар җырын башкаручыларның “Туган моңнар” бәйгесендә иң яхшы дип табылган җырчыларның Гала – концертында көтеп калабыз. Чара аның туган авылы Сыерышбашта үтә, 11.00 сәгатьтә башлана Рәхим итегез, дуслар!
#КасимЮсупов #Чекмагушевскийрайон95
